ФА Трофи е англиско куп-натпреварување во кое учествуваат сите полупрофесионални екипи од петтата до осмата лига.
Истото е основано во 1969, а денес, на ,,Вембли”, беше одиграно неговото педесет и трето финале.
Имено, до најпрестижното достигнување во својата 130-годишна историја дојде петтолигашот Бромли, кој се закити со првата титула од ФА Трофи.
Клубот од истоименото предградие на Лондон во финалето славеше со минимални 1-0 против фаворитот Рексам.
Единствениот погодок на мечот беше дело на најдобриот овосезонски стрелец на Бромли, Мајкл Чик (64′), по асистенција на Кори Вајтли.
Од друга страна, клубот од Велс, иако го загуби ова финале, како вицешампион на Националната лига, ќе игра во плејофот за влез во Лиг 2.
