Агусти Бенедито е еден од кандидатите за нов претседател на Барселона што ќе се одржат на 14. јануари, а тој е веројатно и единствениот што не верува дека Лионел Меси ќе остане во клубот.
Сите останати кандидати ветуваат дека имаат план како да ја задржат аргентинската клупска икона на Барселона и тоа ветување дека Меси ќе остане и понатаму во единствениот клуб за кој играл во професионалната кариера им е главен адут во изборната трка.
Сепак Бенедито има поинакво мислење и е голем песимист дека Меси ќе продолжи да игра за Барселона. Меси е член на каталонците од 2001 година на почетокот како член на познатата „Ла Масија“, односно младинската Академија на каталонците, а професионалната кариера ја почна во клубот во 2004 година.
