Фудбалската репрезентација на Македонија вечерва игра против Малта нов натпревар од квалификациите за Европското првенство во Германија во 2024 година.
Капитенот Енис Барди кој постигна прекрасен евро-гол за реми против Италија, вели дека треба да се заборави тој меч и да се размислува на денешниот противник Малта.
„Имаме еден голем тест, знаеме што нѐ очекува, направивме анализи и во никој случај не смееме да потпаднеме под некоја еуфорија. Ако бидеме ние во вистинско издание, мислам дека ќе оствариме позитивен резултат. Не размислуваме веќе за Италија, тоа е зад нас. Да, среќен сум поради постигнатиот гол, но многу посреќен сум затоа што тимот се врати психолошки и сега повторно размислуваме за нешто повеќе во групата, за второто или за третото место“, изјави Енис Барди.
