Во недела на 22.мај ќе се одржи второто издание на „Трка на Поезијата„ во Струга. По одличното премиерно издание минатата 2021 година оваа година интересот за овој настан го прикажуваат се повеќе и повеќе активни атлетичари и рекреативци.
Одличната патека по улиците низ Струга која нуди прекрасни амбиенти поминати преку реката Црн Дрим и Охридско езеро се само амбиент кој што секој тркач би го посакал, но овде доаѓа и самата географска положба на Струга каде што организаторите патеката за трчање имаа можност да ја креираат со неверојатни 0 (нула) метри елевација, која што елевација би ја посакал секој кој што сака да си брка сопствен рекорд и да се самонадмини резултатски.
На оваа трка на неполни 7 дена до трката се пријавени околу 1000 активни и рекреативни љубители на трчањето како од Македонија така и од соседните Албанија, Србија, Косово и Босна и Херцеговина. Од активните атлетичари настап ќе земат Атанас Анчески кој предтходниот викенд се здоби со државен првак на 10.000 метри, Александар и Биљана Кираџиеви, Весна Кираџиева, Кокан Ајаноски, Жан Тосев, Игор Јакимовски, Миљана Ристиќ, Сашо Даневски и многу други атлетичари.
Овој настан ќе е збогатен и со други активности кои што се планирани за овој атлетски викенд во градот на двете води, Струга, како што е Поетскиот конкурс каде што се избира поезија под мотото „Мојата трка“, активности во Камп Скаут во Струга, каде што ќе е и доделувањето на стартните пакети, детска трка и други активности за подигање на свеста на локално и меѓународно ниво за спортски активности.
Оваа година исто како и минатата награден фонд ќе има само на трката од 10.000 метри кој што изнесува:
- место 15.000 мкд
- место 12.000 мкд
- место 10. 000 мкд
- место 4.000 мкд
- место 2.000 мкд
Наградниот фонд е ист и во женска и машка конкуренција, каде што исто следува и награди од организаторите доколку се постави нов рекорд на трката кој што минатата година во машка конкуренција го постави победникот Милош Ранчиќ со резултат од 34 минути и 34 секунди и во женска конкуренција го постави победничката Биљана Кираџиева со резултат од 38 минути и 34 секунди.
Од здружението „Спортски Мостови“ Струга ни ветуваат одличен настан и забава. За повеќе информации може да ги посетите на www.poetryrun.mk.
