Во првиот натпревар по рестартот на грчката Супер лига, во рамките на четиринаесеттото коло, Арис направи кикс против Левадијакос.
Имено, двете екипи одиграа со 1-1 на стадионот ,,Левадија” што претставува прво меѓусебно реми после 2013.
На мечот, домаќините поведоа во првото полувреме со дебитантскиот гол на Стивен Квабена Хамонд (38′) во новата средина.
Во вториот дел, претставниците на Солун израмнија преку резервистот од клупата, Луис Палма (64′), кој дојде до бројка од седум погодоци на последните четири средби во сите натпреварувања.
За Левадијакос, осмиот поен во сезоната значеше и скок на претпоследното место, додека Арис остана на шестата позиција.
