,,Моменталната пандемија на Корона Вирусот која владее насекаде низ светот, а и рестриктивните мерки за справување со истата, предизвикаа голем негативен одраз врз спортот. Меѓутоа мислам дека тој негативен одраз е уште поголем кога се работи за колективните спортови како што е фудбалот, затоа што индивидуалниот тренинг е со далеку помал ефект за играчите за разлика од колективното тренирање.
Што се однесува за нашата Прва женска фудбалска лига, сеуште ФФМ нема донесено конкретна одлука за тоа дали ќе биде сезоната продолжена или ќе има прекин на првенството. Мое размислување на оваа тема е дека сме должни да ги почитуваме одлуките кои ќе бидат донесени, без разлика дали ќе има прекин или лигата ќе продолжи со зголеми сигурносни и здраствени мерки. Ние треба одговорно да се однесуваме со целата ситуација, затоа што одговорноста за здравјето кон нас самите како и кон другите е најважно.
После неколку сезони баш оваа сезона првентсвото е на повисоко ниво и има повеќе дерби натпревари. Во иднина очекувам поголема подршка како медиумска така и финансиска, а ние секако заслужуваме многу поголемо внимание. Што се однесува до мојот клуб ЖФК Каменица Саса уште на самиот старт на оваа вонредна ситуација трениравме индивидуално според програмата на нашиот тренер Зоран Златковски. Ние таа програма одговорно и максимално ја одработуваме.
ЖФК Каменица се наоѓа на првото место со 11 победи и само еден нерешен резултат и сме на чекор на освојување на првата шампионска титула без разлика тоа ќе се случи на зелена маса или одработена на терен нашите амбиции се освојување на првото место. За крај сакам да им порачам на сите да се однесуваат одговорно кон целата оваа ситуација без разлика на олабавувањата на мерките, затоа што од оваа криза треба да извлечеме позитивни работи, како што се грижата за нашето здравје и здравјето на нашата планета”- изјави Ленче Андреевска.



