Двата конкуренти за плејоф на Западот, Јокерит и Северстаљ Череповец, денес ги одмерија силите по четврти пат сезонава.
По вторпат во низа, нивниот меѓусебен натпревар беше решен после продолжение. Имено, по регуларното реми од 1-1, Северстаљ славеше со 1-2, после дополнителни неполни две минути.
Двоен стрелец за победничкиот состав беше Игор Гераскин, додека, во втората третина, за Јокерит израмни поранешниот хокеар на хрватски Медвешчак – Јакуб Крејчик.
На табелата, Јокерит го зазема петтото, а Северстаљ – шестото место, иако имаат ист број на освоени поени.
📸 jokerit.com



