Македонскиот ракометен репрезентативец Кирил Лазаров доби ново признание во кариерата и е изгласан за најдобар десен бек на деценијата во изборот на интернет-страницата „Хендбол планет“.
Во анкетата Лазаров освои 67% од вкупните гласови во борбата за десната бековска позиција. На Кире му припаднаа 6.400 гласа и тој заврши пред Ласло Наѓ (23%, 2,179 гласа) и Алекс Душебаев (10%, 997 гласа). Исто така, Лазаров доби и најмногу гласови од жирито – вкупно 34.
За најдобар ракометар во последната декада избран е францускиот репрезентативец и член на ПСЖ, Никола Карабатиќ.
Тимот на деценијата во анкетата на „Хендбол планет“:
Лево крило: Тимур Дибиров (Вардар)
Лев бек: Микел Хансен (ПСЖ)
Плејмејкер: Домагој Дувњак (Кил)
Десен бек: Кирил Лазаров (Нант)
Десно крило: Лук Абало (Елверум)
Голман: Арпад Штербик (пензиониран)
Пивот: Бјарте Мирхол (Скјерн)
Дефанзивец: Виран Морос (ПСЖ)



