Во петнаесеттото овосезонско коло од англискиот Чемпионшип се соочија Дерби Каунти и Ковентри.
,,Црно-белите” покажаа одлични перформанси, имајќи ја иницијативата во поголемиот дел од мечот.
Овде спаѓаат неколкуте неверојатни шанси на Колин Казим-Ричардс и на Том Лоренс, промашени пред водечкиот погодок. Накрај, во 83. минута, Казим-Ричардс успеа да го постигне првенецот во дресот на Дерби и со тоа да им донесе почетно водство на домаќините.
Во 90. минута, Џејк Стретон имаше шанса да го постигне својот прв сениорски погодок и да ја удвои предноста на Дерби, но ја погоди само стативата.
Веќе во судиското продолжение, Ковентри израмни на 1-1 преку Густаво Хамер, кој воедно го постави и конечниот резултат.
Со овој погодок, Хамер го продолжи постот на Дерби од дванаесет лигашки средби на домашен терен без победа. ,,Овните”, последен пат во Чемпионшип, славеа на својот стадион на 27 јуни против Рединг со 2-1.
Исто така, Холанѓанецот ја спречи и првата победа на Вејн Руни како тренер на Дерби, кој засега има две ремија како предводник на момците од Источен Мидлендс.
Со овој поен, Ковентри ,,скокна” на 19. позиција, додека Дерби останува последен на табелата.



