Најсилната кошаркарска лига ќе стартува пред Божиќ на 22 декември со новата сезона, па раководството на НБА ги објави деталите за новата сезона во која Лос Анџелес Лејкерс ќе ја бранат титулата, која ја освоија на 11 октомври во „меурот“ во Дизниленд, каде се доигра сезоната поради пандемијата со коронавирус.
Според планот, од стартот на сезоната на 22 декември, секој клуб ќе одигра десет меча помалку од стандардните 82 средби во сезоната, што значи дека преку 72 меча на секој од тимовите во НБА, ќе се бори за место во плејофот, но останува делот со плејин како најава за плејофот.
После комплетирањето на лигашкиот дел, екипите од седмо до десето место во двете конференции ќе играат плејин разигрување за место во плејофот, па двете најдобри од пресметките ќе обезбедат пласман во разигрувањето за титулата. Плејин ќе се игра по систем седмиот со осмиот во кој седмопласираниот ќе има меч повеќе на домашен терен, а победникот оди во плејофот во пресметка со вториот во првата рунда, додека поразениот ќе игра втор плејин со подобриот од пресметките на деветиот и десетиот тим, за да обезбеди плејоф против најдобриот во конференцијата во првата рунда.
Плус НБА ги намали и ограничи патувањата, па така секој тим ќе игра трипати против противниците од својата конференција, додека двапати против противниците од другата конференција, а ова е со цел да се намали бројот на патувања во период кога светот се бори со големата пандемија од коронавирус.
Разигрувањето треба да стартува на 22 мај, а најдоцна до 22 јули треба да биде познат новиот првак во НБА. Паузата за ол-стар викендот е планирана од 5 до 10 март, но засега НБА останува тајновите за олстарот и тој засега е неизвесен дали ќе се одржи, а е закажана за во Индинајаполис.



