Репрезентативниот напаѓач, Ели Јаковска од оваа сезона игра во бугарскиот шампионат, за тимот на Локомотив од Стара Загора и во рамките на 10 коло од бугарската прва лига за жени нејзиниот тим Локомотив триумфира со висока разлика од 12:0 против Јантра 2013.
Најдобра на терен беше токму Јаковска која освен што го одигра целиот натпревар таа го постигна првиот хет-трик во шампионатот и веднаш се етаблира како врвен стрелец. Освен тоа Јаковска постојано беше константна опасност кон противничкиот гол и беше убедливо најдобра на терен.
Ова е втор последователен настап на Ели Јаковска за Локомотив и клубот е во горниот дел на табелата и со помош од нашата интернационалка и со шанси да се загрози титулата на неприкосновените во бугарскиот шампионат, тимот на НСА Софија. Тимот кој го совладаа Јантра 2013 е на 11 место на табелата.



