Единаесеттото коло од новата сезона во шкотскиот Премиершип го отворија најголемите ривали – Селтик и Ренџерс.
Нивните дуели го носат името ,,Олд Фирм Дерби”, а овој натпревар беше вкупно 421. во меѓусебната историја.
До 163. победа во меѓусебните мечеви, денес дојде екипата на Ренџерс, којашто славеше со 0-2.
Двоен стрелец за ,,Полицајците” беше Конор Голдсон (9′ и 52′), кој ги постигна своите први голови во оваа сезона.
Ренџерс, за првпат после 2009, успеваат да го совладаат најголемиот ривал по двапати во низа: претходниот меч беше одигран на 29 декември 2019, а ,,Сините” славеа со 1-2.
За Селтик, ова е првиот овосезонски пораз за второто место на табелата, додека Ренџерс се први со само три примени погодоци во воведните единаесет средби.



