Вистинска реткост е она што го пружи англискиот шестолигаш Гајсли, кој ја пренесуваше својата инаугурална средба од новата сезона директно на Јутјуб.
Имено, ,,Лавовите” ја отворија сезоната на домашниот ,,Нетермур Парк” против екипата на Блајт Спартанс.
Спартанс влегуваат во новата како претпоследен тим од минатата сезона, а воедно останаа и без долгогодишниот капитен Роби Дејл, кој се пензионира после 680 одиграни натпревари за овој клуб!
Фудбалерите на Гајсли решија да ја одбранат фаворитската улога уште од самиот старт. Иницијативата се исплати уште во првата минута, откако беше досуден пенал во нивна корист што беше успешно реализиран од Лебран Мбека за 1-0.
До крајот на првото полувреме, домаќините ја идвоија својата предност преку капитенот Хамза Бенчериф, кој заби со глава во 41. минута.
Уште на почетокот на второто полувреме, Спартанс останаа со играч помалку, откако втор жолт картон доби Метју Елсдон. Дванаесет минути подоцна, Гајсли поведоа со 3-0 благодарение на Каине Феликс, а веќе во 68. минута, во листата на стрелците се запиша и Марк Ховарт, кој го постави конечниот резултат од 4-0.



