Французинот Жулиен Алафилип ја оствари петтата победа во кариерата на својата домашна трка, Тур д Франс, откако триумфираше на втората овогодинешна етапа.
Возачот на ,,Декојнинк-Квик-Степ” ги остави зад себе Марк Хирши и Адам Јејтс, а во првите десетмина се пласираа и: Ван Авермет, Игита, Молема, Лутшенко, Погачар, Шахман и Бетиол.
Исто така, Алафилип ја презема жолтата маица во пресрет на третата етапа.
Имено, на првата етапа на 107. издание на Тур д Франс најбрз беше Норвежанецот Александар Кристоф. За возачот на ,,УАЕ Тим Емирејтс”, ова беше четврта етапна победа на најпрестижната трка во календарот.
Кристоф, во завршницата, покажа најдобри спринтерски перформанси и зад себе ги остави Мадс Педерсен и Кеес Бол. Во првите десет завршија и Бенет, Саган, Вивијани, Ницоло, Кукар, Туржи и Стујвен.



