Италија имаше најголеми последици од пандемијата, а од Серија А има оптимистички најави дека првенството ќе продолжи и дека за оваа сезона ќе се дознае шампионот.
Се зависи од рехабилитирањето по пандемијата, но се очекува фудбалерите да излезат на тренинг на 20-ти април, а еден месец подоцна да започне и лигашкиот дел.
Преостануваат уште 12 кола и 4 одложени натпревари (Интер – Сампдорија, Аталанта – Сасуоло, Верона – Калјари и Торино – Парма), па ќе се започне со одложените средби пред да се продолжи со првенството.
Завршувањето на првенството се планира за 1 јули или првата недела на јули. Со тоа ќе се дојде до ситуација каде што за 43 дена треба да се одиграат 124 натпревари.
Новата сезона на тој начин ќе се одложи да започне во средината на септември, а УЕФА е спремна завршницата на нивните натпреварувања да ја одложи за јули и август.



