Започна новата сезона во Прва ЖФЛ каде што бранителот на титулата, тимот на ЖФК Драгон од Скопје на домашен терен рутински ја започна одбраната на титулата со триумф над ЖФК Речица со 8:0. По неуспешната евро-авантура, шампионот се рехабилитира со висока првенствена победа.
За трите бода и головите се погрижија Афродита Салихи која беше двоен стрелец, исто така гостинската екипа си постигна два автогола, додека по еден гол постигнаа Шемсовиќ, Гегова, Белистојановска и Живиќ.
Вицешампионот ЖФК Истатов загуби уште по првиот натпревар на домашен терен против тимот на ЖФК Каменица Саса со резултат од 1:4. Домашната екипа има сериозни проблеми со заминувањето на носителите на игра, додека напротив екипата која доаѓа од Македонска Каменица има неколку нови квалитетни фудбалерки.
Триумфалниот старт и погодиците на натпреварот ги постигнаа Ана Димитровска и Ленче Андреевска со по еден гол, додека Марјана Нацева беше двоен стрелец. Во новата сезона токму ЖФК Каменица Саса треба да го има приматот на предизвикувач на шампионот и загрозување на првото место и тронот во нашата Прва ЖФЛ.



