Некогаш квалитетниот и перспективен голман Трајче Китановски кој само поради повредите ја прекина својата голманска кариера, сепак тој не застанува и не престанува да ја чуствува потребата од голманскиот свет, па денес своето знаење и искуство го посветува и го вложува како тренер на млади и перспективни голмани во школата Хет Трик.
Китановски е производ на ФК Вардар, а неговите голмански инстикти и рефлекси први ги забележуваат од ФК Локомотива од Скопје каде што му ја даваат довербата да брани на свои 15 години во сениорска конкуренција, а во истиов овој тим е и четири години капитен на младинската екипа.
Во следниот период настапува и две години во ФК Скопје, потоа една сезона во ФК Победа Зорбас и уште неколку екипи во кои што се претставува во одлично светло. Голманската љубов на Трајче Китановски му ја всадил легендарниот голман Драган Мутибарич, а голем респект и почитување има и кон Мане Манев.
Во 2006 година Китановски постигнува рекорд на најмалку примени голови во една сезона и тоа само 9 гола во текот на првенството во тимот на Локомотива во младинска конкуренција. Ако една кариера завршува, во неговиот случај нова кариера започнува па со тренирањето на млади голмани се очекува низ годините кои се пред нас да произведе квалитетни голмани кои би го носеле репрезентативниот дрес.



