.
Денес, во Кавадарци беше одржано четвртото издание на ,,Кавадаречки полумаратон”, кој се состоеше од три главни трки: на 5,3 километри, на 10,5 километри и полумаратон (21,1 км).
На најкратката трка, во машка конкуренција, победник беше новинарот на ,,Јави се јужна”, Атанас Епов (18:12), кој зад себе ги остави Мики Попоски (19:07) и Никола Кутаноски (19:11).
Кај дамите, првите три места ги зазедоа Ивана Настовска (24:54), Цеца Србова (25:11) и Славица Игнатовска (25:29).
Најбрз на десет километри беше Хамим Чилафи (40:24), пред Ристо Чалков (41:16) и пред Андреас Стојановски (41:17), а одличен, на четвртото место, беше и вториот претставник на ,,Јави се јужна” – Марјан Туртуров (42:04).
Во женска категорија, на пиедесталот завршија Марина Домазетовска (47:21), Мери Шешо (47:49) и Ангелина Станојоска (53:14).
Што се однесува до машкиот дел од полумаратонот, победничкиот подиум го освоија Мартин Трајановски (1:19:13), Игор Јакимовски (1:20:39) и Петре Завировски (1:22:22).
Во женскиот дел, на тронот се искачи Тамара Јолевска Попов (1:37:25), пред Марија Пеликон (1:39:19) и пред Жанета Богатиновска Илиева (1:44:23).
