Tренерската организација при ФФМ го организира редовниот годишен „Форум на тренери“, закажан за 24. февруари 2020 година (понеделник) со почеток во 11.30 часот во хотел „Александар Палас“ во Скопје.
Ќе присуствуваат сите тренери носители на УЕФА Диплома (Б, А, Про, А за голмани). Согласно УЕФА тренерската конвенција на која ФФМ е полноправна членка на овој форум присуството на тренерите носители на УЕФА Диплома (Б, А, Про или А за тренери на голмани) е задолжително, а во врска со продолжувањето на важноста на УЕФА лиценците.
Обврска е на секој тренер носител на УЕФА лиценца да присуствува на овој настан за да може да побара продолжување на лиценцата.
На овој форум специјален гостин е Бранимир Ујевиќ, директор за тренерски развој на ФИФА кој ќе се претстави со своја презентација.
Извор и фото: ffm.mk



