ЕКСКЛУЗИВНО! Први дознаваме за овој легендарен, несекојдневен и неповторлив настан: И секако многумина се во прашалници, едни се смеат други во неверица трети неизмерно го почитуваат, го сакаат и му се воодушевуваат на храброста и воопшто инспирацијата која е непресушен извор во животот на нашиот најдобар комичар Војче Китановски.
Па на кого друг би му текнало ваква легендарна идеа освен нему. Ексклузивно во непосреден кус разговор тој ни ја откри идеата и нешто повеќе околу истата. “Бев повикан во емисијата “Македонски Приказни” кај мојот драг пријател Трајче Китановски, па во еден наш разговор разговарајќи за сценариото на емисијата заедно со Трајче и сценаристот Андреј Андонов, мојот драг пријател Трајче ми предложи да се појавам во еден дел од емисијата облечен како маршалот Тито, знаејќи дека тоа не ми е страно и го имам веќе успешно правено во минатото.
На таа негова идеа во мене се роди друга која само дојде како надополнување на ова што веќе ми го предложи Трајче Китановски. Тој ден ми беше планирано да го посетам и да се поклонам на гробот на нашиот најголем македонски јунак, татко на нацијата Гоце Делчев а исто така беше и снимањето на “Македонски Приказни” па несакајќи да ја одбијам поканата од мојот драг долгогодишен пријател јас прифатив во истиот ден да ги споиме двете работи под услов да дојде и Трајче заедно со мене на гробот од Гоце Делчев.
Се разбира му ја кажав идеата, дека тоа планирам да го сторам облечен како маршалот а тој со задоволство прифати. Со оваа моја идеа која произлезе благодарение на генијалноста на мојот истопрезимењак немав намера ништо друго освен взаемна почит на двата великани кои имаат големи заслуги за постоењето на нашата држава Република Македонија Тито и Гоце Делчев. А дали и во емисијата негова се појавувам облечен како Јосип Броз Тито останува да видите сами. “



