Фудбалската школа за фудбал, Фер Плеј од Охрид прослави девет години успешна работа со млади категории на фудбалери. Како и секое лето и оваа сезона ќе се одржи еминентниот масовен меѓународен турнир за млади категории во Охрид на терените на ,,Билјанини Извори” од 23-ти до 25-ти август во организација на домаќинот Фер Плеј.
Овој турнир од година во година го зголемува квалитетот каде учествуваат квалитетни екипи и школи од целиот Балкан каде што се претставуваат пред охридската публика со сиот свој талент и потенцијал. Ова е можност турнирот да го посетат голем број на менаџери и скаути.
На Фер Плеј купот ќе учествуваат освен од Македонија и екипи од: Албанија, Грција, Србија, Бугарија, Косово, Црна Гора и Хрватска. Во тридневното фудбалско дружење ќе се претстават плејада на голем број на талентирани фудбалери, а турнирот ќе биде пропратен со видео преноси во живо, резултати во секој момент, фотографии, а настанот е најмасовна манифестација во текот на летото во Охрид.
Фото: Фер Плеј



