Иван Тричковски е во животна форма и на секој натпревар во кипарското првенство е стрелец, а од неодамна е и прв стрелец во клупската историја на Аек Ларнака. Во рамките на 22. коло Аек Ларнака со рутински 3:0 ја совлада екипата на Паралимни.
Најзаслужен за триумфот и новите три бода е капитенот на тимот и македонски репрезентативец Иван Тричковски затоа што партиципираше со асистенција и постигнат гол. Домаќините отпорот на гостите го скршија во второто полувреме кога од пенал преку Ларена поведоа со 1:0 во 54 минута.
На 2:0 зголеми Акино на асистенција на Тричковски во 65 минута, а заверка на победата постави Иван Тричковски во судиското продолжение кога пресече една топка на дефанзивците го предибла голманот и топката ја спроведе во празната мрежа, за негов вкупни 11-ти гол во првенството и ја дели втората позиција на најдобри стрелци во Кипар со Перејра и Немец, додека првиот на листата е Садик со 12 постигнати гола.
Видео: Аек Ларнака 3 – 0 Паралимни



