Иван Тричковски на гостувањето кај својот екс тим на Апоел со кој ја освои шампионската титула пред неколку години, воедно играше и 1/8 финале во Лига шампиони против Реал Мадрид, постигна два гола и тоа во 64 и 75 минута од натпреварот.
Сепак до крајот на мечот домашните фудбалери во фуриозен финиш постигнаа два гола за израмнување и за поделба на бодовите. Со новите два гола сега Трачковски има вкупно десет гола во првенството на Кипар и се наоѓа на трето место само два гола помалку од првопласираниот Садик. Аек Ларнака е позициониран на четвртото место на табелата со 36 освоени бода, инаку десет помалку од првопласираниот Апоел кој има 46 бода на контото на табелата.



