Фудбалерите на Аталанта продолжија со одличните настапи оваа сезона. Екипата која моментално го игра најубавиот фудбал во Италија го елиминираа најголемиот фаворит за титулата од Купот на Италија тимот на Јувентус во 1/4 финалето на куп натпреварувањето со убедлив резултат од 3:0.
Аталанта во Бергамо дојде до два брзи гола во првото полувреме и тоа во 37 и 39 минута, најпрвин Кастањ го отвори водството, а Дуван Запата го постави резултатот на полувреме од 2:0. Во продолжението на второто полувреме Аталанта го исконтролира мечот, а Дуван Запата во 86 минута го постави конечниот резлтат од 3:0 и закажа дуел со Фиорентина во полуфиналето.



