Дерби, на својот „Прајд Парк”, го затвори 25. коло од Чемпионшип против екипата на Чарлтон. Пред почетокот на натпреварот, Дерби имаше серија од седум дуели без победа. Сепак, вечерва стигна до долго очекуваната победа откако славеше со 2-1. Најголем херој и играч на натпреварот беше 18-годишниот Џејсон Најт кој ги постигна и двата погодоци за „Овните”. Воедно, овие голови беа и првенци за Најт во сениорскиот тим на Дерби имајќи во предвид дека настапува и за младинските состави на „црно-белите”. Дерби беше со играч помалку од 17. минута кога Кристијан Биелик заработи црвен картон после невнимателниот старт над Конор Галагер. Сепак, неговиот тим го остави срцето на теренот и со десет играчи покажа многу посолидни перформанси. Чарлтон намали на 2-1 во 83. минута преку голот на Лајл Тејлор од пенал.
Со оваа победа, Дерби се искачи на 17. позиција со 30 освоени поени и го спушти Чарлтон на 19. место со два бода помалку.
