Карим Бензема фудбалерот на Реал Мадрид кој има 31-година веќе четири години е надвор од француската репрезентација поради тоа што федерацијата не смета на неговите услуги поради неговата уцена кон Матју Валбуена.
Пред скоро време од француската фудбалска федерација објавија дека дефинитивно е завршена репрезентативната кариера на Бензема во националниот тим иако фудбалерот покажува одлични перфоманси на теренот.
На ова соопштение Карим Бензема се огласи дека ако веќе не сметаат веќе на него сака во иднина да ги смени репрезентативните бои и да заигра за нова држава. Бензема има алжирски корени, па може да се случи да биде повикан и ангажиран за Алжир.
За ова да се случи е потребно француската влада да му го одзема државјанството, при тоа да добие алжирски пасош, а ФИФА да дозволи настап на фудбалерот за друга држава. Бензема за Франција до сега има одиграно 81 натпревар и има учинок од 27 гола и 18 асистенции.



