Македонскиот таеквондист Дејан Георгиевски го освои златниот медал на Г1 турнирот „Тирана Опен“ во Албанија. Најдобриот наш таеквондист славеше победи над Александар Филипов од Израел (2:0) и во финалето против Ел Омар од Франција (2:1).
Златниот медал во Тирана е многу вреден кон остварувањето на една голема цел, а тоа е олимписка норма за Георгиевски и пласман на ЛОИ во Париз наредната година.
СИЛЕН ЧЕКОР НАПРЕД КОН НОВА БЛЕСКАВА ИСТОРИЈА ЗА МАКЕДОНСКИОТ СПОРТ, ОЛИМПИСКИТЕ ИГРИ ВО ПАРИЗ 2024 ! – стои во објавата на Македонска Tаеквондо Федерација.
