Селекторот на машката ракометна репрезентација на Македонија го објави списокот на ракометари за претстојните квалификациски натпревари против Естонија и Литванија во борбата за Европското првенство 2026 година, а на него се наоѓаат две значајни враќања – Гоце Ојлески и Мартин Томовски.
Искусниот голман Мартин Томовски, кој настапува за германскиот тим VfL Potsdam, повторно е во составот по одреден период пауза. Неговото меѓународно искуство ќе биде клучно во решавачките моменти од овие натпревари.
Од друга страна, стружанецот Гоце Ојлески, кој ги брани боите на ГРК Охрид, се враќа во репрезентацијата како засилување на позицијата лево крило. Со своето искуство и борбеност, Ојлески е очекуван да внесе дополнителна енергија и стабилност во тимот.





