Викендов во Струга ќе се одржи Балканскиот шампионат во веслање. На него ќе учествуваат над 300 веслачи од целиот Балкан. Веслачката федерација на Македонија заедно со Балканската Веслачка Асоцијација, Агенцијата за млади и спорт и Македонскиот Олимписки комитет со поддршка на Веслачки Клуб “Црн Дрим” од Струга се организатори на овој настан. На истиот ќе видиме веслачи од Грција, Романија, Турција, Бугарија, Србија, Босна и Херцеговина и Македонија кои ќе се натпреваруваат во кадетска и јуниорска конкуренција.
Во пресрет на големиот спортски настан ќе биде издадена и Монографија за Веслачкиот клуб „Црн Дрим“ од страна на Коста Хиохи. Повелете во Струга викендов на овој прекрасен спортски настан.
