Барселона со 2:1 го победи Атлетик Билбао и сега има 40 бодови, израмнувајќи се со Реал Мадрид на второто место на табелата во Примера дивисион. Каталонскиот гигант со овој триумф до некаде му се освети на Атлетик Билбао за поразот во финалето на Супер купот.
За Меси ова беше јубилеен 650 погодок во дресот на Барселона во сите натпреварувања, а голот што го постигна од слободен удар беше еден од најубавите изведени удари во Примера оваа сезона.
