За крај на 2020 година Елче на домашен терен освои голем бод против фаворитот Реал Мадрид во борба за опстанокот, но во исто време и му направи услуга на Атлетико Мадрид кој е во тесна борба со ,,кралевите” за врвот на табелата.
Први во водство беа гостите кога по одличниот шут од далечина на Асенсио во 20 минута со помош на голманот заврши во пречката, а на одбиената топка налета Лука Модрич и со глава ја упати во небранетиот агол во мрежата на Бадиа.
Во вториот дел Елче преку Фидел во 52 минута со удар од белата точка израмни на 1:1 и овој резултат остана до крајот на мечот. Голманот на Елче по завршувањето на натпреварот беше прогласен за најдобар играч на средбата.