Егиетски тим Замалек ја искористил клаузулата во договоот на голманот Карим Хендави, и го откупил. На негово место во Битола доаѓа унгарскиот репрезентативец Мартон Секељи. Секељи има 31 година, има 49 настапи за репрезентацијата на Унгарија, сега доаѓа од Порто, а претходно настапувал и за Балатонфуреди, Чурго, Татабања и во Веспрем.
РК Еурофарм Пелистер соопштува дека нов член на нашиот клуб е унгарскиот репрезентативен голман, Мартон Секељи. 31-годишниот голман потпиша едногодишен договор и како и другите ракометари од ростерот на клубот, ќе се јави на првиот тренинг на 19 јули. Секељи минатата сезона ја мина во Порто, а претходно настапуваше за Балатонфуреди, Чурго, Татабања и Веспрем. За националната репрезентација собра 49 настапи. Во досегашниот дел на кариерата освои СЕХА Гаспром лига со Веспрем и двојна круна во Португалија со Порто. Беше прогласен за унгарски голман на годината во 2018 година. Клубот ќе го претстави по неговото пристигнување во Битола.
