Вечерва во третото коло во Лигата на Европа во Битола се игра натпреварот помеѓу Еурофарм Пелистер и многу квалитетниот тим на Фуксе Берлин, кој е моментално лидер во најсилната лига во светот Бундеслигата.
„Имаме многу проблеми во овој момент. Суси само што се оперираше, Руди чека на операција и дава 200% од себе. Чувствува болка, но уште игра. Хосни е надвор од тимот, Костески против Радовиш не настапи, Себастијан Хенеберг е пак со нас по една недела болест. Не знам колку од овие момци ќе играат во вторник. Ни треба поддршка, затоа што ќе биде тешко. Ќе дадеме што имаме и верувам дека со помошта на луѓето во Битола ќе бидеме достојнi. Ќе биде многу тешко, Фуксе Берлин е број еден во Бундеслигата, брз тим се. Играа во неделата и можеби нема да бидат во полна сила. Два дена по нашиот натпревар имаат натпревар со Рајн Некар Левен. Можеби тука е нашата шанса. Можеби 10% ќе бидат послаби, ќе бидат уморни, ќе мислат на следниот натпревар. Ние треба да го дадеме најдоброто од нас, да одиграме шеесет минути и ако го направиме тоа – можеби ќе извлечеме нешто. Во оваа сала сè е можно“, изјави тренерот Ларс Валтер.
Дуелот меѓу Еурофарм Пелистер и Фуксе Берлин ќе се игра вечерва во салата „Боро Чурлевски“ со почеток во 18:45 часот.