Денеска е дерби ден, Универзитет во Тетово ќе го пречека составот на Џио Струмица, а тоа значи дека во спортската сала „Млади“ ќе сервираат двете најдобри екипи досега.
Последниот освојувач на двојната круна не знае за пораз, на 13 настапи оствари исто толку триумфи, што значи дека доколку сака да остане во трка за првото место, тетовскиот тим треба да слави, а притоа да не му дозволи на ривалот да освои повеќе од еден сет.
Ваквата калкулација е поради тоа што струмичани сезонава ги освоија максималните 39 бода, дури девет повеќе код тетовци, па во случај екипите да имаат ист број победи, тоа е следниот параметар којшто ќе одлучува за првото место во пресрет на полуфиналето од разигрувањето.
Доколку Џио Струмица го напушти Тетово со победа, тогаш шансите да ја загуби водечката позиција во преостанатите седум средби ќе биде само теоретска, односно ќе постои на хартија, а никако во практика.
Токму поради тоа, Универзитет ќе игра на првата победа во меѓусебните пресметки сезонава, на претходните две во салата „Парк“, Џио Струмица на свој терен славеше со 3:0 есеноска и со 3:1 во првиот меч во тековната календарска година.
МРТ-3 Од 
17 :55
Фото: ОК ЏИО Струмица @okgiostrumic
