Јане Цветковски е најновото засилување на Тинекс Пролет за клучниот дел од сезоната, во која искусниот голман ќе биде од помош во остварување на зацртаните цели – пласман во европските купови за наредната натпреварувачка сезона.
Овој трансфер всушност претставува враќање на Цветковски во Пролет, со оглед на фактот дека овој голман го бранеше голот на клубот до 2014 година, по што почна интернационална кариера.
Тој во изминатиот период настапуваше за Тополчани во Словачка, потоа за Босна во БиХ, за шведските прволигаши Хелсинборг и Иштад, по што беше дел и од Вецлар во Германија и од Егер во шампионатот на Унгарија.
Цветковски во изминатиот период тренираше со Тинекс Пролет, по што беше постигнат договор тој да потпише за нашиот клуб до крајот на сезонава, со можност за продолжување на соработката и за сезоната 2021/22.
Фото и извор: http://www.rkprolet.mk/
