Еурофарм Пелистер во досегашниот дел од сезоната не воодушевува со своите игри и покрај многуте странски засилувања кои стигнаа во Битола. Дел од странците се жалат на повреди, а дел не прикажуваат игри какви што се очекуваат од нив.
Сепак на задоволство на фановите на Еурофарм Пелистер средниот бек Марио Танкоски игра фантастична сезона досега и во Лигата на Европа и во Суперлигата. Тоа го потврди и синоќа со 7 гола од 7 обиди и 2 асистенции во натпреварот против Бидасоа во Лигата на Европа. Воедно Марио со прекрасен влез го постигна и голот за реми и бод на Еурофарм Пелистер 29:29 против Бидасоа.
