Русија и Белорусија одиграа драматичен меч во Бурж Ел Араб, а заврши нерешено 32:32, откако и на полувремето беше израмнето 15:15. Данил Шишкарев, поранешниот ракометар на Вардар, сега член на Веспрем промаши зицер од крило во последниот напад на Русија и прошушти шанса да и донесе стартна победа на својата репрезентација.
Косоротов со 7 гола беше најефикасен кај Русите, а Сорока и Киселјев постигнаа по шест погодоци. Трагичарот Шишкарев постигна 5 гола. Кај Белорусија Ваилупов беше убедливо најефикасен со 10 погодоци, додека втор стрелец беше Кулеш со шест гола.
