Правилната и здрава спортска исхрана е важна за постигнување на врвни спорстки резултати и зачувување на оптималното здравје на спортистите кои професионално, аматерски или рекреативно се занимаваат со спорт.
Со цел да им се олесни програмата за исхрана на спортистите, на лицата кои професионално или аматерски се занимаваат со спорт, како и на родителите чии деца се занимаваат со спорт, оваа година кога регионалниот центар за Спортска медицина при ЈЗУ “Здравствен Дом” во Струга слави 13 години постоење, а формиран од Прим. Д-р Оливер Бојчески (Спец. по спортска мецицина и Спец. по медицина на трудот) се промовира едно специјалнo издание кое претставува збирка на стручни трудови “ПРАКТИЧНА СПОРТСКА ИСХРАНА”.
Збирката е дело на Прим. Д-р Оливер Бојчески и Проф. Д-р Хинор Кица и коавторите Проф. Д-р Весела Малеска Ивановска , Д-р Спец. Марина Бојческа, Дипл. Инг. по биохемија Ирена Тортевска и М-р Хелидон Кица. Ова е збирка која содржи практични менија и совети за правилна спортска исхрана спакувана во одлично дизајнирано издание на 118 страници кои ќе му го олеснат планирањето на исхраната на секое лице кое професионално или аматерски се занимава со спорт. Сите овие трудови се презентирани сите овие години од страна на авторите и коавторите на многубројните конгреси и семинари во Македонија и во странство.
Во збирката се опфатени следните теми:
⦁ Програма за исхрана (мени) и спорстко-здравствени бенефити кај анемични спортисти на возраст од 14-16 години.
⦁ Планирана исхрана во превенција и третманот на оксидативниот стрес – антиоксидантна исхрана
⦁ 7 (Седум) дневна планирана исхрана кај спортистите за подобро опоравување при настинка
⦁ Исхрана кај спортистите после физичката активност со цел намалување на млечната киселина (лактатите)
⦁ Искуство за употреба на суплементите кај спортисти од Југозападен региона на Македонија
⦁ Користење на водата како еден од основните фактори на спортски успех од страна на спортистите од Југозападниот регион на Македонија
⦁ Планирана исхрана во превенција и третман на мускулните грчеви кај спортистите
⦁ Пробиотици во спортската нутриционистичка пракса: тераписки и/или превентивни суплементациски средства
⦁ Внесување на магнезиум во превенција на клиничките состојби на дефициенција на магнезиум (замор, слабост, исцрпување
⦁ Практична калиумска реминерализација во подобрување на гликогенската ресинтеза после физичка активност
⦁ Хиперлипдемија/ Хиперлипопротеинемија – одраз врз кардиоваслуларниот систем и физичката активност
⦁ Допинг
Прекрасниот дизајн на корицата е дело на Марјaн Туртуров и Никола Јаканоски. Процесот на организација (менаџирање) на промоцијата и продажбата на книгата е дело на Дарко Аџиоски. Издавач на книгата е ФК Струга Трим и Лум, а истата е печатена во ИРИС Принт -Струга.
Со заокружување на оваа збирка зад Прим. Д-р Оливер Бојчески (Спец. по спортска медицина и Спец. по медицина на трудот стојат преку 1000 страници научен труд, а ова ќе биде неговата петта книга самостојна или во соработка со други автори.
Aвтор:
Дарко Аџиоски
