Само неколку часа по официјализирањето на Маурисио Покетино како нов тренер на ПСЖ, француските меидуми веќе излегоа со информација дека аргентинецот веќе направил список од фудбалери кои не му се потребни во иднина.
На листата се нашле петмина од актуелниот состав на ПСЖ, кои треба да одат на продажба, а на нивно место да се доведат нови засилувања. На трансфер-листата на Покетино се ставени Џулијан Дракслер, Леонардо Паредес, Идриса Гуеје, Тило Керер и Андер Ерера. Покрај нив, клубот би можел да го напушти и Анхел Ди Марија, кој има договор до летото.