Андреас Трајковски е највисоко пласиран македонски атлетичар, откако после одличниот настап во Полска на Европската ранг листа се најде на 25. место, додека на Светската ранг листа е на 86. место.
Европската и Светската ранг листа се обновуваат секоја недела во зависност од постигнатите резултати на атлетичарите во целиот свет од последните седум дена. Македонскиот атлетичар бележи голем раст во формата и се очекува уште поголем напредок во иднина.