Капитенот на македонската одбојкарска репрезентација Никола Ѓорѓиев ќе ја продолжи кариерата во словенечки АЦХ Волеј Љубљана. Лидерот на одбојкарската репрезентација на Македонија во интернационалната кариера има настапувано за турски Инегол настапуваше за Фридрисхафен од Германија, а исто така беше дел и од Раднички (Србија), Форли (Италија), Мили Пјанго (Турција), Париз (Франција), Торај и Осака (Јапонија), како и Онико Варшава (Полска).
Неговиот брат Ѓорѓи Ѓорѓиев кариерата ќе ја продолжи во Бугарија каде ќе го носи дресот на Хебер Пазарџик. Техничарот минатата сезона ја одигра во дресот на полски Завјерче, пред тоа две сезони мина во Франција, а има играно и во бугарски Марек и македонскиот првак Џио Струмица.
Средниот блокер на македонската репрезентација Филип Маџунков има нов клуб и кариерата ќе ја продолжи во Хрватска каде ќе го носи дресот на Рибола Каштела. Претходно Маџунков има играно за ОК Струмица и Вардар во Македонија, Јединство (Црна Гора), Гренобл (Франција) и Битерфелд-Волфен (Германија).
