Наместо со трансфер во Словачка, Филип Манасиевски ќе одигра шест месеци прволигашки фудбал во дресот на Борец Велес. Манасиевски беше пред трансфер во тимот на Попрад, каде што е тренер Боби Стојковски но поради некомплетна документација, трансферот пропадна.
Манасиевски сега најпрво ќе одработи полусезона во Велес, а потоа ќе размислува повторно за понуди од странство. Играчот настапува на бековските позиции и ќе биде сериозна опција за тренерот Христов.
