Два порази и една победа, е учинокот на МЗТ Скопје Аеродром на вториот турнир од АБА 2 лигата кој се играше во Бања Лука. Седумкратниот македонски првак загуби од Студентски центар со 92:75.
Гравет со 21 поен беше прв стрелец кај МЗТ, Бојиќ даде 13, а Стојановски и Олуџоби по 12. МЗТ имаше 21 загубена топка, десет повеќе од противникот. Во наредното коло, на следниот трети турнир, ќе гледаме дерби помеѓу МЗТ и Работнички. МЗТ е седми (во плејоф ќе играат осумте најдобри) со 4-3, а Работнички е претпоследен со 2-5.