Во вториот натпревар од второто коло од Европскиот Куп екипата на Брно дома славеше со 28:20 и после минималниот пораз во првото коло обезбеди пласман во третата рунда.
Македонскиот ракометар Дејан Кукуловски со 4 погодоци беше еден од најдобрите во победата и пласманот понатаму на Брно .
Во вториот натпревар од второто коло од Европскиот Куп, екипата на ПАОК на македонскиот голман Виктор Гигов дома ремизираше со Линц 25:25. Првиот натпревар во Австрија го доби Линц со 27:26 со што тимот на нашиот интернационалец доживеа елиминација.
Македонскиот голман Гигов и 44 години брани во одлична форма. Тој со 13 одбрани од 38 удари кон неговиот гол или скоро 34% беше најдобар во неговиот тим за жал недоволно за пласман понатаму.
Поранешниот македонски репрезентативец Владимир Темелков и неговиот Керженг, загубија и во вториот натпревар од второто коло од Европскиот Куп. Тие беа поразени од Мотор од Украина со 33:30.
Искусниот Владимир Темелков одигра фантастичен натпревар и беше еден од најдобрите на теренот со 3 погодоци и одлична игра во одбраната на својот тим.
