Македонската машка одбојкарска сениорска репрезентација се подготвува за настапот во Европската златна лига. Во сабота против Украина го почнува својот пат во на гостувањето кое ќе се игра во Полска ние го започнуваме нашиот настап. Само првопласираните репрезентации од трите групи од Европската златна лига ќе се најдат на завршниот турнир во Задар на 24. и 25. јуни.
Репрезентативецот Александар Љафтов ги изнесе своите очекувања за претстојните натпревари:
Се наближуваат натпреварите во Европската златна лига. Во сабота нè очекува првиот меч против Украина кој ќе го играме во Полска. Првата недела од подготовките помина одлично во Маврово, втората ја имавме во СЦ „Борис Трајковски“ во Скопје, еве ја почнуваме и третата. Сите сме полни со ентузијазам, со желба за победа. Украина е силен противник, но сме доволно искусни, сега и нов селектор и работите одат многу добро. Се подготвуваме во најдобри услови, со најдобра дисциплина, со многу желба на тренинг, верувам и убеден сум дека ќе направиме добри резултати. Не можеме да гарантираме ништо, како Фајнал-фор или финале, важно е да бидеме добри, здрави и да ја играме нашата игра и мислам дека сè ќе си дојде како што треба во најдобар ред.- изјави Александар Љафтов.