Организаторот на играта, Стефан Крстевски, ја продолжи соработката со Бутел Скопје и во следната сезона одново ќе биде дел од амбициозниот тим.
24-годишниот среден бек потекнува од Преспа Ресен, каде што играше до 2014 година, потоа беше член на Вардар две сезони, настапуваше и за Вардар Јуниор до 2020. Играше и за Работнички, пред да се врати во Вардар, со кој беше дел од Лигата на шампионите.
Претходно Бутел го донесе тренерот Горан Кузманоски, се засили со Александар Стојаноски, Лука Иваниќ, Дамјан Георгиев и Марко Стојанов, а договорите ги продолжија Димитар Ѓоргиевски, Кристијан Давитковски и Бојан Блажески.
