Никола Костески и Талент Плзен со победа ја започнаа пролетната полусезона во Чешкиот шампионат. Плзен славеше со 34:22 против составот на Јичин на домашен терен. Во натпревар во кој сите ракометари добија шанса и минутажа Никола Костески одигра на своето препознатливо ниво со 3 голови и 2 украдени топки.
Денес деби во шампионатот на Чешка забележа уште еден македонец . Дејан Кукуловски со својот нов тим Брно славеше победа 32:29 против незгодниот тим на Робе Зубри. Кукуловски започна со 2 прекрасни погодоци на стартот од натпреварот кој мораше да го заврши предвреме во 23. минута поради погруб старт врз противнички ракометар и добиен директен црвен картон.
