Игор Јакимовски тренерот на македонскиот атлетичар Дарио Ивановски го изрази незадоволството после одлуката на МОК и Атлетската федерација кој да ја претставува нашата земја на игрите во Токио.
Почитувана спортска јавност во Македонија…Мојот став кој го изнесувам јавно пред сите Вас, а во врска со изборот на наш репрезент/атлетичар на ЛОИ Токио.Во ова мое изјаснување нема никакво влијание и споделено мислење од никој друг па ни од самиот Дарио. Секој мој збор, реченица и став е лично мој став.Ќе го започнам вака:Во мојот живот имам преживеано три реални војни.Во сите тие војни излегов како победник само поради тоа што сакав и се борев гради во гради.Всушност и така ми е целиот живот за сите вакви и онакви борби на секое животно поле.За првпат денеска се чувствувам како губитник од една сосема друга борба.Борба која ја изгубив само поради тоа што паднав во заседа, а таму победниците во ваков вид војување се само кукавиците.Драги мои…Изборот на наш репрезент за летната олимпијада ќе биде запаметен како еден од најскандалозните во историјата на македонскиот спорт.Избор кој е резултат на шестмесечна матна игра во која влогот беше голем, добивката уште поголема, а крајот олицетворение и врв на целиот спортски хаос кој се случува во кралицата на спортовите во Македонија.Замислете:Единствениот балкански шампион што го имала Македонија во поновата историја, единствениот што освојува медали на балканијадите, единствениот што освојува злато на Европско првенство за мали земји, единствениот што два пати фаќа норма за европско првенство, единствениот што сруши 6 пати рекорд за една полусезона, единствениот во машка категорија кој постигна најјак и недостижен резултат на сезоната по ИААФ таблица…Единствениот и недопирлив во многу работи.Миленикот и брендот на Македонската атлетика.Спортскиот херој на Македонија цели 7 сезони.НЕМА ДА ОДИ НА ЛОИ ТОКИО !!!Најпрво да се обратам до сите инволвирани па на крај да заклучам.
Целото излагање на Игор Јакимовски може да го прочитате во продолжение:



