Ракометарите на Бутел Скопје стигнаа до својата прва победа во плеј-офот, совладувајќи го тимот на Охрид на гостински терен со резултат 31-29. Средбата се одигра во СРЦ „Билјанини Извори“, каде домаќините имаа значајна предност од шест голови во текот на натпреварот, но гостите од Скопје покажаа неверојатен карактер и ментална цврстина, остварувајќи голем камбек во второто полувреме.
Клучен фактор за победата беше блескавата партија на голманот Александар Стојаноски, кој со низа одлични интервенции ја одржуваше екипата во игра. Во офанзивниот дел, блескаа Христијан Милошески и Димитар Узунчев со по седум гола, додека Димитар Ѓеоргиевски реализираше шест пати. Гал Цирар со 7 гола беше најефикасен во Охрид




