Лацио го официјалираше трансферот на Матео Мусакио од Милан, аргентинскиот дефанзивец пристигна на „Олимпико“ само за еден милион евра. Мусакио потпиша договор на шест месеци со клубот од Рим, но може да му се продолжи на уште две сезони, односно до јуни 2023 година.
Сега на 30 години доаѓа во Лацио како замена за еден од клучните играчи на Инзаги, Луис Фелипе, кој подолго време ќе паузира поради повреда. Мусакио ќе има прилика да дебитира веќе во претстојниот викенд во второто последователно гостување на Лацио кај Аталанта.
Аргентинецот во летото 2017 година потпиша за ,,Росоњерите” за сума од 18 милиони евра откако го напушти Вилјареал и беше стандарден првотимец до тешката повреда на глуждот, која го тргна од терените цели пет месеци, по што не успеа да се врати во составот на Пиоли.